İyulun 24-26-da Göygöl rayonunda keçiriləcək V Milli Yaylaq Festivalına təşkil ediləcək ictimai nəqliyyatın qiyməti bəlli olub.
Gencexeber.az-ın məlumatına görə, festival günlərində iştirakçıların rahat gediş-gəlişini təmin etmək məqsədilə xüsusi avtobus reysləri təşkil olunacaq.
Belə ki, hər gün saat 08:00-dan etibarən Gəncə şəhərində Mərkəzi Univermağın qarşısından və Göygöl rayon avtovağzalının qarşısından "Xan Yurdu" etnoqəsəbəsinə avtobuslar hərəkət edəcək.
Sərnişinlər tədbirdən sonra həmin avtobuslarla geri qayıda biləcəklər. Nəqliyyat vasitələri festivalın keçirildiyi etnoqəsəbənin girişinə qədər xidmət göstərəcək.
Avtobuslarda gedişhaqqı 2 manat təşkil edəcək.
