Gəncədə idman tədbiri həyata keçirilib. Bu haqda 7 avqust tarixində Kepez.tv-yə istinadən xəbər veririk.
Tədbirdə Uşaq Evinin və SOS Uşaq Kəndinin sakinlərindən ibarət qruplar iştirak ediblər. Burada musiqi sədaları altında gimnastika, eləcə də mütəxəssislər tərəfindən müxtəlif hərəkətlər yerinə yetirilərək əyləncəli proqram təşkil olunub.
Regional Gənclər və İdman İdarəsinin rəisinin sözlərinə görə, məqsəd şəhərimizin qonaqlarını, şəhər sakinlərini, yeniyetmə və gəncləri - bir sözlə, hər kəsi idmana səsləməkdir.
O, həmçinin əlavə edib ki, layihə qurumun əhatə etdiyi digər rayonlarda da geniş təşkil olunacaq.
“Gəncə Uşaq evindən gəlmişəm. Bu gün idmanı sevdiyim üçün buradayam. Mən idmana gəlmişəm və idman sağlamlıqdır. Əylənirik, həm başımız qarışır, həm də buraya idman üçün gəlmişik, enerjimizi artırırıq”, -deyə Uşaq Evinin sakini bildirib.
Tədbir Gənclər və İdman İdarəsi tərəfindən təşkil olunub.
