Gəncəli aktyorun verilişdə çıxışı izləyiciləri kövrəldib. Bu haqda 29 dekabr tarixində Sfera.az-a istinadən məlumat veririk.
Xalq artisti Vidadi Həsənov Space TV-də yayımlanan “Açıq söhbət” verilişində maaş alan kimi dəfn yerinin behini verəcəyini bildirib.
"Məndən 1 yaş balaca qardaşım var. Bu yaxınlarda dedi ki, gedək özümüzə dəfn üçün yer götürək. Biz o yaşdayıq ki, bu gün - sabah öləcəyik. Dedim ki, gözlə, maaşımı alım gedərik, pulu alan kimi gedəcəm. Düzdür, ora çatmayacaq, amma behini verəcəm", - deyə aktyor qeyd edib.
O əlavə edib ki, müəyyən bir yaş dövrü olur ki, insanlar ölüm haqda düşünmürlər: "Ölümü düşünmədən yaşayanda insanlar elə bilirlər ki, ölməzdirlər. Ölməzlik sindromu olanda insanlar çox azğın və qəddar olurlar. Elə bilirlər ki, hər şey onlar üçün yaranıb".
Qeyd edək ki, "M. Teatr Production"un bədii rəhbəri olan Vidadi Həsənov 16 iyul 1958-ci ildə Gəncədə anadan olub. O, 9 may 2012-ci ildə Əməkdar artist fəxri adına layiq görülüb.
