Gəncə Şəhər İcra Hakimiyyətinin dəstəyi ilə müsabiqə keçirilib. Bu haqda 6 iyun tarixində İcra Hakimiyyətinə istinadən xəbər veririk.
S.Bəhlulzadə adına Mədəniyyət Sarayında Azərbaycan Gənclər İttifaqının və Azərbaycan Rəqs Assosiasiyasının birgə təşkilatçılığı ilə “Azərbaycan Çempionatı - 2024” rəqs müsabiqəsi keçirilib. Burada iştirak edən “Xəmsə" Uşaq Rəqs Ansamblı yarışın qalibi olub.
Çempionatda mindən çox iştirakçı müxtəlif yaş qruplarında mübarizə aparıb. "Xəmsə" Uşaq Rəqs Ansamblı 6 rəqs nömrəsi nümayiş etdirib. Müsabiqənin yekununda Sənan Cavadovun yetirmələri medallar və sertifikatlarla təltif olunublar.
