Gəncə futbol komandasının Vahid Abbasovla görüşü baş tutub. Bu haqda 24 may tarixində futbol klubuna istinadən xəbər veririk.
Vahid Abbasov “Kəpəz”in heyəti ilə görüşüb. 75 illik yubileyini qeyd edən veteran futbolçu Vahid Abbasova komandamızın forması hədiyyə olunub. Klub tərəfindən baş məşqçi Adil Şükürov futbol veteranlarının diqqətdə saxlanıldığını bildirərək komandanın inkişafında onların dəyərli məsləhətlərinə ehtiyac olduğunu deyib. Futbol veteranlarının daim "Kəpəz"ə dəstək verdiyini bildirib.
Gəncə futbolunun tanınmış simalarından olan Vahid Abbasov 1970-78-ci illərdə "Dinamo" və "Tərəqqi" adı ilə mübarizə aparan komandamızın heyətində uğurlu çıxışı ilə seçilib. Oynadığı illərdə komandanın və liqanın ən məhsuldar oyunçularından biri olub. SSRİ idman ustası, Əməkdar məşqçi fəxri adlarına layiq görülüb.
