Gəncənin əvəzedici komandası mövsümün ikinci yarısına hazırlaşır. Bu haqda 12 yanvar tarixində Kəpəz televiziyasına istinadən məlumat veririk.
“Kəpəz”in əvəzediciləri qış fasiləsindən yararlanaraq təlim-məşq toplanışındadırlar. Onlar məşqləri Gəncədə keçirirlər. Yanvarın 5-dən başlayan məşqlər 1 aya yaxın davam edəcək. Futbolçular gündə 1 dəfə məşq edirlər. Məşqçilər korpusu həm fiziki, həm də taktiki çalışmalara üstünlük verir. Əvəzedicilər toplanış çərçivəsində yoxlama oyunlarında da qüvvələrini sınayacaqlar.
“Kəpəz”in əvəzedici komandası təlim-məşq toplanışını fevralın əvvəlində başa vuracaq. Hazırlığın ardından komanda ayın 7-də çempionatın XVI turu çərçivəsində evdə “Zirə-2”ni qəbul edəcək.
