Uzun illər Gəncə şəhərinin müxtəlif yataqxanalarında yaşayan Xankəndi şəhərinin Kərkicahan qəsəbəsi sakinlərinin doğma yurdlarına qayıtması prosesinə start verilib.
Gencexeber.az-ın məlumatına görə, bu gün 21 ailə Böyük Qayıdış prosesi çərçivəsində doğma yurduna - Kərkicahan qəsəbəsinə göndərilib.
Məlumata görə, Gəncə şəhəri ilə yanaşı, ölkənin digər şəhər və rayonlarında müvəqqəti məskunlaşmış Kərkicahan qəsəbəsi sakinləri də mərhələli şəkildə öz tarixi yurdlarına geri dönəcəklər.
Qeyd edək ki, bu proses Xankəndi şəhəri və Kərkicahan qəsəbəsinə həyata keçirilən ilk köçdür.
