Gəncədə universitet və zavod arasında müqavilə imzalanıb. Bu haqda 16 dekabr tarixində UTECA-ya istinadən məlumat veririk.
Azərbaycan Texnologiya Universitetinin nümayəndələri Gəncə Şərab 2 zavodunda olublar. Görüş zamanı kadr hazırlığının müəssisələrin tələblərinə uyğunlaşdırılması, müasir texnologiyaların elmi əsaslarla tətbiqinin gücləndirilməsi, elmi-praktik təcrübələrin birgə aparılması, şərab turizminin inkişaf etdirilməsi kimi məsələlər müzakirə edilib, təkliflər irəli sürülüb.
Daha sonra UTECA-nın rektor əvəzi Yaşar Ömərovla Gəncə Şərab-2 ASC-nin idarə heyətinin sədri Saleh Babazadə əməkdaşlıq memorandumu imzalayıblar. Həmçinin universitet rəhbərliyi və nümayəndə heyəti müəssisənin infrastrukturu, tətbiq olunan müasir texnologiyalar, avadanlıqların iş prinsipi, kadr tələbatı və müəssisələrin qarşılaşdıqları problemlərlə yaxından tanış olublar.
