Uşaqlı və körpəli evlərdə gözlənilməz xəstəlik və xəsarətlər zamanı lazım ola biləcək əsas dərman və ilk yardım vasitələrinin əvvəlcədən hazır saxlanması vacibdir.
Xüsusilə qızdırma, allergiya, soyuqdəymə və kiçik xəsarətlər zamanı istifadə olunan vasitələrin evdə olması valideynlərə ilkin müdaxilə imkanı yaradır.
6 aydan böyük uşaqlar üçün, lazım olduqda, ibuprofen tərkibli sirop.
Uşaq ağızdan dərman qəbul edə bilmədikdə parasetamol şamları istifadə edilə bilər. Parasetamol və ibuprofen kimi dərmanların dozası uşağın yaşına və çəkisinə uyğun olmalıdır.
Əgər uşağın əvvəllər allergik reaksiyası olubsa və ya ailədə allergiyaya meyl varsa, həkimin tövsiyə etdiyi antihistamin sirop və ya kremlər evdə saxlanıla bilər. Bunlar qida allergiyası, həşərat dişləməsi və arı sancmasından sonra yaranan yüngül qızartı və şişkinlik zamanı ilkin yardım üçün istifadə oluna bilər.
Qusma əleyhinə dərmanlar həkim məsləhəti olmadan uşağa verilməməlidir. Təkrarlanan və davamlı qusma zamanı həkimə müraciət etmək lazımdır.
Xüsusilə isti havalarda tərləmə və istiyə bağlı səpkilər üçün sink əsaslı krem və ya losyonlar evdə saxlanıla bilər.
Burun tutulması və soyuqdəymə zamanı serum-fizioloji məhlul (duzlu su) tərkibli burun damcıları istifadə edilə bilər.
Qeyd edək ki, körpələrə və uşaqlara dərman verərkən preparatın yaşa və çəkiyə uyğunluğu, həmçinin dozası mütləq həkim və ya əczaçı ilə dəqiqləşdirilməlidir.
Mənbə: pravda.аz
