Gəncəli idmançı Beynəlxalq turnirdə ilk rəqibi ilə görüşüb. Bu haqda 20 dekabr tarixində Cüdo Federasiyasına istinadən məlumat veririk.
20-22 dekabr tarixlərində İsrailin paytaxtı Qüdsdə “Masters” turniri keçirilir. Burada ölkəmizi təmsil edənlər arasında Nizami yurdunun yetirməsi Turan Bayramov da mübarizə aparır.
Cüdoçumuz 60 kiloqram çəki dərəcəsində tatami üzərinə çıxıb. O, ilk rəqibi olan qazaxıstanlı Baurjan Narbayevi məğlub edib.
Qeyd edək ki, yarışda dünyanın 58 ölkəsindən 367 cüdoçu medallar və reytinq xalları uğrunda mübarizə aparır.
