Gəncəli aktrisanın ayaqları tutulub. Bu haqda 15 dekabr tarixində Azxəbər.com-a istinadən məlumat veririk.
Xərçəngdən əziyyət çəkən “Toppuş bacı” kimi tanınan Əməkdar artist Tünzalə Əliyevanın səhhəti pisləşib. O, ayaqlarının tutulduğunu və bu səbəbdən xəstəxanaya gedə bilmədiyini bildirib.
"Çox pisəm. Ayaqlarım, demək olar ki, tamamilə tutulub. Klinikaya gedə bilmirəm. Yataq xəstəsiyəm. Ağciyərimə, ayaqlarıma su yığılmışdı. Xəstəxanaya gedə bilmirəm ki, yenidən yoxlanış olsun. Şüa müalicəsi çoxdan dayanıb. MRT (Maqnit Rezonans Tomoqrafiyası) olmalıyam. Amma gecikirəm, artıq getməyə gücüm də yoxdur”.
Qeyd edək ki, bir neçə ay əvvəl sənətçinin başında da şiş aşkarlanıb. Toppuş bacının səsi də tutulub, buna görə o, aktrisalıq fəaliyyətini dayandırıb.
