Gəncədə yanğın hadisəsi baş verib. Bu haqda 16 may tarixində FHN-ə istinadən məlumat veririk.
Hadisə şəhərin “Depo” adlanan yaşayış massivində qeydə alınıb. Tikintisi başa çatmayan, ümumi sahəsi 40 kvadratmetr olan 2 otaqlı ev anidən alışıb. Nəticədə 20 kvadratmetr sahədə dam örtüyünün yanar konstruksiyaları yanıb.
Əraziyə Fövqəladə Hallar Nazirliyinin Yanğından mühafizə bölmələri cəlb olunub. Alov söndürülüb. Evin qalan hissəsi yanğından mühafizə olunub.
Hadisənin səbəbləri araşdırılır.
