Xəbər verdiyimiz kimi, Qazax şəhərində yerləşən telefon mağazalarından birində oğurluq hadisəsi baş verib.
Gencexeber.az-ın məlumatına görə, gənc mağazanın şüşəli qapısını təpiklə sındıraraq, üzünü gizlətmədən içəri daxil olub. O, vitrindən 10-dan çox bahalı model mobil telefonu, həmçinin saatlar və digər əşyaları götürərək hadisə yerindən uzaqlaşıb. Mağaza sahibi baş verən qarətlə bağlı polis orqanlarına müraciət edib.
Qazax Rayon Polis Şöbəsinin əməkdaşlarının keçirdikləri müvafiq tədbirlər nəticəsində rayon sakininə məxsus telefon mağazasından ümumi dəyəri 4500 manat olan müxtəlif markalı mobil telefon və aksessuarlar oğurlamaqda şübhəli bilinən S.Qədiməlizadə saxlanılaraq istintaqa təhvil verilib.
