Gəncə-Daşkəsən Regional Təhsil İdarəsi Goranboy rayonu üzrə Psixoloji-tibbi-pedaqoji komissiyanın (PTPK) katibi və Göygöl rayonu üzrə Psixoloji-tibbi-pedaqoji komissiyanın (PTPK) pedaqoqu vəzifələrinə işə qəbul elan edir.
Gencexeber.az bildirir ki, bu barədə regional idarə məlumat yayıb.
Goranboy rayonu üzrə PTPK katibi vəzifəsi üçün namizədə tələblər:
Pedaqoji ixtisaslar üzrə bakalavr təhsili;
Hazırda Goranboy rayonunda yaşayan və müəllim kimi fəaliyyət göstərən, kompüter və ofis proqramları (Microsoft Word, Microsoft Excel və s.) ilə sərbəst işləmək bacarığı, elektron sənədləşmə və məlumat bazaları ilə işləmək bacarığı, təşkilatçılıq, məsuliyyətlilik və komandada işləmək bacarığı.
Göygöl rayonu üzrə PTPK pedaqoqu vəzifəsi üçün namizədə tələblər:
Pedaqoji ixtisaslar və ya məktəbəqədər təhsil ixtisası üzrə bakalavr təhsili, hazırda Göygöl rayonunda yaşayan və həmin rayonda müəllim kimi fəaliyyət göstərən, pedaqoji biliklərə sahib olan və şagirdlərin pedaqoji ehtiyaclarını müəyyənləşdirməyi bacaran.
İş şəraiti (hər iki vəzifə üzrə):
Həftəlik dərs yükü – maksimum 18 saat (pedaqoji fəaliyyətlə paralel icra edilməsi mümkündür);
İş günləri: çərşənbə axşamı və cümə günləri, saat 10:00–16:00;
Əmək haqqı: əsas iş yeri üzrə əmək haqqının 50%-i.
Sənəd qəbulunun son tarixi 30 iyul saat 18:00-dır.
