Gəncədə asfaltlama işləri ilə bağlı ciddi narazılıq yaranıb.
Gencexeber.az-a daxil olan şikayətə əsasən, şəhərin Təbriz küçəsi 3-cü dalan ünvanında, Özbəkistan Respublikasının Fəxri Konsulluğunun yaxınlığında yerləşən ərazidə bir neçə ay öncə aparılan asfaltlama zamanı yolun səviyyəsi düzgün tənzimlənməyib.
Bunun nəticəsində yağışlı havalarda piyada səkisində iri gölməçə əmələ gəlir və vətəndaşların hərəkəti demək olar ki, mümkünsüz vəziyyətə düşür.
"Təzə çəkilmiş asfaltdı. Hər yağış yağanda küçədən keçmək mümkün deyil", – şikayətçi bildirib.
Sakinlər məsələ ilə bağlı aidiyyəti qurumların vəziyyəti qiymətləndirərək problemin qısa zamanda həll olunmasını tələb edirlər.
