Bu gün Azərbaycan Dövlət Akademik Musiqili Teatrının gəncəli aktyoru Məhərrəm Qurbanovun vəfatından 7 il ötür.
Gencexeber.az xatırladır ki, Məhərrəm Qurbanov 1959-cu ildə Gəncədə anadan olub.
O, 1982-ci ildə Bakı Mədəni-Maarif Texnikumunu,1988-ci ildə isə Azərbaycan Dövlət İncəsənət İnstitutunu bitirib. Sənət fəaliyyətinə Gəncə Dövlət Dram Teatrında başlayan aktyor, 1996-cı ildən ömrünün sonunadək Azərbaycan Dövlət Akademik Musiqili Teatrında çalışıb.
Tamaşaçılar onu daha çox "İmtahan" serialındakı Eldar, "Ay Yay Yay" serialındakı polis rəisi, eləcə də "Qız qalası" və "Ərazi" filmlərindəki obrazları ilə tanıyıblar.
Görkəmli sənətkar 21 avqust 2019-cu ildə 60 yaşında beyin insultundan dünyasını dəyişib və Yasamal qəbiristanlığında dəfn olunub.
