Gəncədə taksi sürücüləri imtahandan keçəcəklər. Bu haqda 10 iyun tarixində Kəpəz televiziyasına istinadən xəbər veririk.
Sərnişindaşıma fəaliyyəti həyata keçirən bütün sürücülərin və taksi sürücülərinin hazırlığını Dövlət İmtahan Mərkəzi qiymətləndirəcək. Avtomobillə ölkədaxili sərnişin və yük daşımalarını yerinə yetirən sürücülər xüsusi hazırlıq keçməlidirlər. Onlar peşə fəaliyyətinə və davranışına, iş və istirahət rejiminin xüsusiyyətlərinə, etik davranış və sərnişin daşımalarını tənzimləyən aktlara uyğun fəaliyyət göstərməlidirlər.
Nəqliyyat ekspertlərinin sözlərinə görə, 18 min sürücü imtahandan müvəffəqiyyətlə keçib və artıq sertifikat da alıb. İmtahandan keçə bilməyən sürücülərə növbəti dəfə iştirak etmələri üçün imkan yaradılacaq.
“Mən 50 ildir imtahan verirəm. 70 yaşım var. Məncə, mənə ehtiyac yoxdur. Özümü nəzərə alıb deyirəm”,- deyə sürücülərdən biri qeyd edib.
