Gəncə-Daşkəsən Regional Təhsil İdarəsinin Goranboy-Naftalan rayonları üzrə təhsil sektorunun müdiri vəzifəsindən azad edilib.
Apa.аz xəbər verir ki, bununla bağlı elm və təhsil naziri Emin Əmrullayev əmr imzalayıb. Qərara əsasən, Goranboy-Naftalan rayonları üzrə təhsil sektorunun müdiri Xəyal Məmmədov vəzifəsindən azad edilib.
Goranboy-Naftalan təhsil sektoruna müdir əvəzi Regional Təhsil İdarəsinin əməkdaşı təyin edilib.
Qeyd edək ki, Xəyal Məmmədov Goranboy-Naftalan rayonları üzrə təhsil sektorunun müdir vəzifəsinə 2022-ci ildə təyin edilib. Məlumata görə, X.Məmmədov işdən çıxması ilə bağlı istefa ərizəsi yazıb. Onun ərizəsi qəbul edilib və vəzifəsindən azad olunması ilə bağlı əmr imzalanıb.
