Gəncədə istehsal olunan alüminium Türkiyəyə yola salınıb. Bu haqda 16 dekabr tarixində Marja-ya istinadən məlumat veririk.
Gəncə İstehsalat Kompleksində istehsal olunan alüminium məhsullarının növbəti hissəsi 72 konteynerdən ibarət blok qatarla İstanbula göndərilib. Yük “TURKUAZ” layihəsi çərçivəsində, Bakı-Tbilisi-Qars dəmir yolu ilə çatdırılacaq.
Layihə “ADY Konteyner” və “Azəralüminium” şirkətləri arasında imzalanmış birgə yükdaşımalar haqqında anlaşma memorandumuna uyğun olaraq həyata keçirilir.
Bildirilib ki, bu konteynerlərdəki əmtəəlik məhsulların ümumi çəkisi 2000 tondan çoxdur. Bu il Gəncə-Türkiyə marşrutu üzrə 486, Türkiyə-Gəncə 204, Çin-Gəncə marşrutu üzrə isə 176 konteyner olmaqla, ümumilikdə 866 konteyner daşınıb.
