Gəncədə Türkiyədəki zəlzələ qurbanlarının xatirəsi anılır. Bu haqda Gencexeber.az-a 7 fevral tarixində məlumat daxil olub.
Şəhərimizdə anım tədbiri keçirilir. Türkiyənin şəhərdəki Baş Konsulluğunun önünə toplaşan sakinlər burada yaradılan guşənin önünə gül dəstələri düzürlər. Gün ərzində buranı şəhər rəhbərliyi, millət vəkili Müşfiq Cəfərov, Türkiyə və Azərbaycan İş Adamları və Sənayeçilər İctimai Birliyinin sədri Hüseyn Büyükfırat, hüquq-mühafizə orqanları, idarə, müəssisə, təşkilat rəhbərləri və şəhər sakinləri ziyarət edirlər.
Bundan başqa, Türkiyənin Gəncədəki Baş Konsulluğu yardım etmək istəyən şəxslər üçün https://www.afad.gov.tr/depremkampanyasi2 ianə saytı paylaşıb.
Xatırladaq ki, ötən gün Türkiyənin cənubunda 7.7 maqnitudalı zəlzələ baş verib. Ölənlərin sayı artıq 3549 nəfərə çatıb.
[modula id="32353"]
