Türkiyədə bu gün səhər saatlarında zəlzələ baş verib. Bu haqda Gencexeber.az 6 fevral tarixində məlumat verir.
Zəlzələnin ocağı Kahramanmaraş şəhərinin Pazarcık rayonu ərazisində 7 km dərinlikdə olub. Yeraltı təkanlar Bakı vaxtı ilə 05:17-də qeydə alınıb. Zəlzələ ölkənin bir çox şəhərlərində hiss edilib.
Son məlumatlara əsasən, hadisə nəticəsində 1014 nəfər ölüb, 5385 nəfər xəsarət alıb, 2470 nəfər xilas olunub, 2824 bina dağılıb.
Azərbaycan Fövqəladə Hallar Nazirliyi Türkiyənin zəlzələdən zərər çəkmiş bölgələrinə 370 nəfərdən ibarət xilasetmə qrupunu hazırlayaraq göndərilməsi üçün hava limanına çatdırıb.
