Gəncədə istehsal müəssisələrinin açılışı olub. Bu haqda 23 dekabr tarixində İcra Hakimiyyətinə istinadən məlumat veririk.
"Galaksi Tekstil" və "Galaksi Seramik Tava" istehsal müəssisələrinin açılış mərasimi keçirilib. Tədbirdə icra başçısı Niyazi Bayramov, “Galaksi” şirkətinin sahibi Qiyas Akkurt, YAP Gəncə şəhər təşkilatının sədri, İcra Hakimiyyəti başçısı Aparatının məsul əməkdaşları, idarə, müəssisə, təşkilat rəhbərləri və kollektivləri iştirak ediblər.
Müəssisələrə baxış keçirilib. Bildirilib ki, istehsal müəssisələrində ilkin mərhələdə 150 işçi çalışır, gələcəkdə işçi sayının artacağı gözlənilir. Bununla yanaşı, burada aylıq 5 min ədəd yataq, 5 min ədəd isə tava dəstlərinin istehsalı nəzərdə tutulub. Şirkət rəhbəri yaxın gələcəkdə 3-cü istehsal müəssisəsinin də açılacağı barədə məlumat verib.
Niyazi Bayramov rəsmilərlə birgə burada görülən işlərlə tanış olub və müəssisənin gələcək fəaliyyətinə uğurlar arzulayıb.
