Azyaşlı qız qəzada həyatını itirib.
DİN-in Baş Dövlət Yol Polisi İdarəsinin məlumatına görə, Bakı-Qazax yolunda ağır yol-nəqliyyat hadisəsi qeydə alınıb. Bildirilib ki, yük avtomobilinin təkərinin partlaması səbəbindən minik avtomobili ilə toqquşma baş verib.
Nəticədə azyaşlı qız ölüb, anası, bacısı və daha bir qohumu xəsarət alıb.
Baş Dövlət Yol Polisi İdarəsi bir daha sürücüləri, xüsusilə də daşıma ilə məşğul olan şəxsləri avtonəqliyyat vasitələrinin texniki vəziyyətini mütəmadi olaraq yoxlamağa, nasazlığı olan nəqliyyat vasitələrini idarə etməməyə çağırıb.
