TƏBİB Gəncə şəhəri ərazisində təcili və təxirəsalınmaz tibbi yardım üzrə həkim vəzifəsinə vakant yerlər elan edib. Bu haqda 30 may tarixində TƏBİB-yə istinadən xəbər veririk.
Namizədlərdən ali tibb təhsili tələb olunur. Sahə üzrə staj isə tələb edilmir. Qüvvədə olan sertifikasiya şəhadətnaməsi, BLS və ALS proqramları üzrə sertifikatların olması arzuolunandır. Son müraciət tarixi 16 iyuna qədərdir.
Tələb olunan sənədlər aşağıdakılardır:
- Şəxsiyyəti təsdiq edən sənədin surəti
- Əsas (baza ali) tibb təhsili haqqında sənədin surəti (diplom), xaricdə təhsil almış namizədlərin ali tibbi təhsil sahəsində ixtisasları Azərbaycan Respublikasında ekvivalentliyi müəyyən edilməklə (nostrifikasiya olunmaqla)
- Xarici dövlətlərdə təhsil alan şəxslər üçün işə buraxılma haqqında şəhadətnamənin surəti (namizədin işə qəbulunun rəsmiləşdirilməsi zamanı tələb olunacaq)
- Sertifikasiya şəhadətnaməsinin surəti (sertifikasiyadan keçməkdən qanunvericiliklə nəzərdə tutulmuş azadolma halları istisna olmaqla)
Müraciət qaydası:
- CV və aşağıda qeyd olunan sənədlərin nüsxələrini cv@tabib.gov.az ünvanına mövzu hissəsində müraciət etdiyiniz vəzifənin adını və iş yerini (məsələn: TTY üzrə həkim-Gəncə) qeyd edərək müraciət edə bilərsiniz.
Qeyd edək ki, “Tibbi Ərazi Bölmələrini İdarəetmə Birliyi” publik hüquqi şəxsi (TƏBİB) təhlükəsizlik səbəbindən bu domenlərdən məktub qəbul etmir: yandex.ru, mail.ru, list.ru, inbox.ru, bk.ru, yahoo.com. Müraciətinizi başqa domenli elektron poçt ünvanlarından göndərməyiniz xahiş edilir.
