Gəncədə şəhər sakini təcili tibbi yardım əməkdaşlarına qarşı xuliqanlıq edib. Bu haqda 13 dekabr tarixində Report-a istinadən məlumat veririk.
O.Mustafayev gecə saatlarında nənəsinə tibbi yardımın gəlməsi üçün çağırış edib. O, köməyə gəlmiş Gəncə şəhər Təcili Tibbi Yardım Stansiyasının (TTYS) əməkdaşı ilə heç bir əsas olmadan mübahisə edib və onun sifət nahiyəsinə yumruqla zərbələr vurub.
Daha sonra stansiyanın inzibati binasına gəlib. Burada çalışan əməkdaşlara nalayiq ifadələr işlətməklə səs-küy salıb. O, üzərində gəzdirdiyi bıçaqla qeydiyyatçı işləyən xanımı öldürməklə hədələyib. Xuliqanlıq edən şəxs saxlanılıb.
Mustafayev barəsində Cinayət Məcəlləsinin xuliqanlıq maddəsi ilə cinayət işi başlanıb. Araşdırmalar davam etdirilir.
