"Ay dünya" sitatı ilə könüllərdə taxt quran aktyor və rejissor Ramin Hacıyevin doğum günüdür. O, 29 dekabr 1976-cı ildə Gəncədə dünyaya gəlib.
Gencexeber.az məlumat verir ki, Qafqaz Universitetinin biznes menecerliyi fakültəsində (1995-2000), Türkiyədə İstanbul Kültür Universitetinin nəzdində olan "Cinema Academy"nin kinorejissorluq (2000-2002) fakültəsində təhsil alıb. Hazırda Xəzər TV-də çalışır. Ramin bəy 2019-cu ildən Əməkdar mədəniyyət işçisi fəxri adının daşıyıcısıdır.
Gəncəli aktyorun iştirak etdiyi filmlər aşağıdakılardır:
- Toy II (2005) – ssenari müəllifi, rejissor assistenti, aktyor (Cabbar);
- Ailəm (2006) – ssenari müəllifi, montajçı, rejissor assistenti, aktyor (Yasamal);
- Qonşular (2006) – rejissor, ssenari müəllifi, aktyor (Əfsələddin);
- Milçək (2006) – aktyor (qədeş);
- Bacanaqlar (2009-2019) – rejissor, aktyor (Məhəbbət);
- Yumurta (II) (2015) – aktyor;
- Qardaşlar (2015-2018) – rejissor;
- Kişi sözü (II) (2016-2017) – rejissor;
- Ailəcanlı (2017-2018) – rejissor, layihənin rəhbəri, aktyor (Mübarək);
- 5 saat əvvəl (2019) – rejissor, layihə rəhbəri, aktyor;
- Mən kiməm? (2021) – rejissor, layihə rəhbəri;
- Qız atası (2014-..., bədii serial) – rejissor;
- Xalxın evi (2017-..., bədii serial) – rejissor.
