Tovuz sakini sevgilisini döyüb.
Demokrat.аz xəbər verir ki, hadisə şəhərin Orxan İsmayılov küçəsində yerləşən evlərdən birində baş verib.
Tovuz rayon sakini, 1980-ci il təvəllüdlü Tacəddin qeyri-rəsmi münasibətdə olduğu Türkanla (adlar şərtidir – red.) birgə yaşadıqları evdə mübahisə edib. O, qadını döyüb, müxtəlif dərəcəli xəsarətlər yetirib.
İş üzrə ifadə verən Tacəddin ifadəsində göstərib ki, Türkan ilə 6 aya yaxındır tanışdır və onunla qeyri-rəsmi olaraq ər-arvad kimi yaşayıblar:
"Onunla yaşadığım müddət ərzində mehriban olsaq da, son zamanlar mənə verdiyi borc pulu qaytarmamağım səbəbi ilə aramızda tez-tez mübahisələr baş verdi. Sonuncu dəfə məlum hadisə günü, saat 13:20-də birgə yaşadığımız evdə olarkən Türkan mənə verdiyi borc pulu qaytarmamağımın səbəbini soruşdu. Bu zaman aramızda mübahisə yarandı. Mübahisə vaxtı Türkanın üzünə bir neçə dəfə şillə vuraraq, onu döydüm. Onu döyməyim barədə polisə məlumat verəcəyini bildirdikdən sonra evdən getdim".
Xətai Rayon Məhkəməsinin hökmü ilə Tacəddin 1500 manat miqdarında cərimə olunub.
