Qərb regionunda bir sıra nazir və komitə sədrinin qəbulu baş tutacaq.
Apa-nın məlumatına əsasən, mərkəzi icra hakimiyyəti orqanlarının və digər idarəetmə qurumlarının rəhbərləri tərəfindən 2024-cü ilin sentyabr ayında şəhər və rayonlarda keçiriləcək vətəndaşların qəbulu cədvəli açıqlanıb.
Növbəti ay aşağıdakı görüşlər təşkil olunacaq:
- Qida Təhlükəsizliyi Agentliyinin sədri Qoşqar Təhməzli - sentyabrın 12-si Gəncə şəhərindən Gəncə, Naftalan, Goranboy, Samux, Göygöl, Daşkəsən, Xocalı və Kəlbəcər sakinlərini qəbul edəcək;
- Daxili işlər naziri Vilayət Eyvazov - sentyabrın 19-u Yevlax rayonunda Yevlax, Mingəçevir, Ağdaş, Ucar və Kürdəmir sakinlərini qəbul edəcək;
- Əmək və əhalinin sosial müdafiəsi naziri Sahil Babayev - sentyabrın 19-u Göygöl rayonunda Göygöl və Daşkəsən sakinlərini qəbul edəcək;
- Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev - sentyabrın 23-ü Goranboy rayonunda Goranboy, Naftalan və Xocalı sakinlərini qəbul edəcək;
- İqtisadiyyat naziri Mikayıl Cabbarov - sentyabrın 25-i Gəncə şəhərində Gəncə, Samux və Kəlbəcər sakinlərini qəbul edəcək;
- Ədliyyə naziri Fərid Əhmədov - sentyabrın 26-da Göygöl rayonunda Göygöl, Daşkəsən, Samux, Goranboy, Naftalan və Xocalı sakinlərini qəbul edəcək.
Vətəndaşların qəbulu müəyyən edilmiş günlərdə saat 10:00-da başlayır.
