Şəmkir rayonunun Tatarlı kəndində fərdi yaşayış evində yanğın baş verib.
Gencexeber.az-ın məlumatına görə, hadisə kənd sakini, 1960-cı il təvəllüdlü M.İsmayılova məxsus, ümumi sahəsi 200 kvadratmetr olan bir mərtəbəli, 6 otaqlı evdə qeydə alınıb.
Yanğın yerinə Fövqəladə Hallar Nazirliyinin Dövlət Yanğından Mühafizə Xidmətinin Şəmkir və Tovuz rayon dövlət yanğından mühafizə hissələrinin texnikası və canlı qüvvəsi cəlb olunub.
Alov evin dam örtüyünün və 4 otağın yanar konstruksiyalarını 160 kvadratmetr sahədə məhv edib. Tikilinin qalan hissəsi yanğından mühafizə olunub.
Hadisə zamanı xəsarət alan olmayıb. Yanğının başvermə səbəbi araşdırılır.
