Gürcüstanın Batumi şəhərində keçirilən taekvondo üzrə "Batumi Open 2026" beynəlxalq turnirində Göygöl rayon İrəvan İdman Mərkəzinin idmançısı uğurlu çıxışı ilə fərqlənib.
Gencexeber.az məlumat verir ki, 30 kiloqram çəki dərəcəsində mübarizə aparan Dərya Hüseynova turnir ərzində bütün rəqiblərinə qalib gələrək qızıl medala və çempion adına layiq görülüb.
Qeyd edək ki, Dərya Hüseynova 44 günlük Vətən müharibəsində Cəbrayıl uğrunda gedən döyüşlərdə qəhrəmancasına şəhid olmuş Elbrus Hüseynovun qızıdır.
Gənc idmançı şəxsi məşqçisi Elvarə Cəlilovanın rəhbərliyi altında turnirdə iştirak edib.
