Gəncə Şəhər Birləşmiş Xəstəxanasının vəzifəli şəxsi həbs olunub. Bu haqda 7 may tarixində Apa-ya istinadən xəbər veririk.
Bir müddət öncə “Gəncə Şəhər Birləşmiş Xəstəxanası” PHŞ-nin vəzifəli şəxslərinin cinayət məsuliyyətinə cəlb edildikləri barədə məlumat paylaşmışdıq. Məsələ ilə bağlı Baş Prokurorluğun Mətbuat Xidməti məlumat verir. Məlumatda deyilir ki, həmin şəxslərin - Vidadi Hüseynov, Məhəbbət Abdullayev və digərlərinin qanunsuz əməlləri ilə əlaqədar Baş prokuror yanında Korrupsiyaya qarşı Mübarizə Baş İdarəsində Azərbaycan Respublikası Cinayət Məcəlləsinin müvafiq maddələri ilə cinayət işinin istintaqı aparılır.
İş üzrə onlara Cinayət Məcəlləsinin müvafiq maddələri ilə ittiham elan edilib. Müstəntiqin vəsatəti və ibtidai araşdırmaya prosessual rəhbərliyi həyata keçirən prokurorun təqdimatına baxan məhkəmənin qərarı ilə hər iki şəxs barəsində ev dustaqlığı növündə qətimkan tədbiri seçilib.
Məhəbbət Abdullayev barəsində seçilmiş ev dustaqlığının həbslə əvəz edilməsinə dair ibtidai araşdırmaya prosessual rəhbərliyi həyata keçirən prokuror tərəfindən müvafiq qərardan verilmiş apellyasiya protesti Bakı Apellyasiya Məhkəməsi tərəfindən təmin olunub və təqsirləndirilən şəxs barəsində seçilmiş ev dustaqlığı həbs qətimkan tədbiri ilə əvəz edilib.
Hazırda cinayət işi üzrə ibtidai istintaq davam etdirilir.
