VI Çağırış Milli Məclisin deputatı olmuş YAP İdarə Heyətinin üzvü Elşad Mirbəşir uzun müddətdir ki, özünə iş tapa bilmir.
Siyasi elmlər doktoru olan sabiq deputat Prezident Yanında Dövlət İdarəçilik Akademiyasındakı müəllimlik fəaliyyətindən də kənarlaşdırılıb.
Məsələ ilə bağlı sabiq deputat açıqlama verib:
"Açığı, təəssüflənirəm ki, belə məsələ ilə ictimaiyyətin diqqətinə gəlirəm. Vəziyyət iki ildir belədir, ancaq bunu heç kimə deməmişəm. İndi qəribədir ki, necəsə bilinib".
Elşad Mirbəşir həmçinin qeyd edib ki, elm adamının auditoriyada dərs deyə bilməməyi ona qəribə gəlir:
"İşlə bağlı özüm xüsusi olaraq heç yerə müraciət etməmişəm. Mən həmişə dövlətin yanında olmuşam, əqidəsi sabit adamam, bu həmişə də belə olacaq. İşləyib-işləməməyin buna aidiyyəti yoxdur".
Qeyd edək ki, Elşad Mirbəşir əslən Göygöl rayonundandır. 2020-ci ildə keçirilən növbədənkənar parlament seçkilərində 101 saylı Göygöl-Daşkəsən Seçki Dairəsinin deputatı seçilib.
Mənbə: gununsesi.info
