İyunun 2-də gözlənilən hava proqnozu açıqlanıb.
Gencexeber.az-a Milli Hidrometeorologiya Xidmətindən verilən məlumata görə, Azərbaycanın rayonlarında havanın əsasən yağmursuz keçəcəyi, lakin səhər saatlarından etibarən şimal və qərb rayonlarından başlayaraq bəzi ərazilərdə arabir yağıntılı olacağı gözlənilir. Ayrı-ayrı yerlərdə yağıntının qısamüddətli intensivləşəcəyi, şimşək çaxacağı və dolu düşəcəyi ehtimal olunur. Gecə və səhər saatlarında bəzi yerlərdə duman müşahidə ediləcək. Qərb küləyi bəzi ərazilərdə arabir güclənəcək.
Havanın temperaturu gecə saatlarında 12-17°, gündüz 23-28° isti, dağlıq ərazilərdə isə gecə 6-11°, gündüz 13-18°, bəzi yerlərdə isə 20-25° isti olacaq.
