Gəncədə açıq birincilik keçirilib. Bu haqda Gencexeber.az-a 20 dekabr tarixində məlumat daxil olub.
İsmət Qayıbov adına orta məktəbdə SSRİ İdman ustası Müzadil İmanovun xatirəsinə həsr olunmuş sərbəst güləş üzrə turnir təşkil olunub. Yoldaşlıq görüşündə dörd komanda mübarizə aparıb. Onlardan üçü Gəncəni, biri isə Gədəbəyi təmsil edib.
Sonda ilk üç yerin sahibləri diplom və medallarla təltif olunublar. Turnirdə Şahin Nuriyev 29, Murad Yusifzadə 50, Bahadur Namazov isə 55 kiloqram çəki dərəcələrində birinci yerə layiq görülüblər.
