Fərdi yaşayış evində partlayış olub. Gencexeber.az Fövqəladə Hallar Nazirliyinə istinadən xəbər verir ki, hadisə Şəmkir şəhərində qeydə alınıb.
Qurumun “112” qaynar telefon xəttinə daxil olmuş məlumatla əlaqədar FHN-in Dövlət Yanğından Mühafizə Xidmətinin Şəmkir rayon Yanğından Mühafizə Hissəsinin qüvvələri dərhal əraziyə cəlb olunub. Müəyyən edilib ki, yanğınla müşayiət olunmayan partlayış ümumi sahəsi 450 kvadrat metr olan ikimərtəbəli evin 1-ci mərtəbəsinin mətbəx hissəsində baş verib. İlkin ehtimala görə, hadisəyə səbəb qaz sızması olub.
Partlayış dalğasının zərbəsindən evə ziyan dəyib. Xəsarət alan olmayıb.
FHN-in əməkdaşları tərəfindən ərazidə müvafiq təhlükəsizlik tədbirləri görülüb.
Faktla bağlı müvafiq qurumlar tərəfindən araşdırma aparılır.
