Gəncə sakini narkotik üstündə saxlanılıb. Bu haqda 6 may tarixində DİN-ə istinadən məlumat veririk.
Yardımlı Rayon Polis Şöbəsinin əməkdaşları rayon ərazisində tədbirlər keçiriblər. Nəticədə axtarışda olan Gəncə şəhər sakini Röyal Əliyev və Lənkəran şəhər sakini Şəhriyar Əhmədzadə saxlanılıblar. Sonuncunun idarə etdiyi "Toyota" markalı avtomobilə baxış zamanı yük yerindən 16 kiloqram marixuana və 480 ədəd metadon həbi aşkarlanıb.
Məlum olub ki, saxlanılanlar İranda yaşayan və şəxsiyyəti istintaqla araşdırılan narkotacirlə əlbir olublar. Onlar narkotik vasitəni Bakıya çatdırmağı planlaşdırıblar. Hər iki şəxs barəsində məhkəmənin qərarı ilə həbs qətimkan tədbiri seçilib.
Faktla bağlı araşdırmalar davam etdirilir.
[modula id="59076"]
