Gəncə şəhərində yerləşən sex və sahə hərraca çıxarılacaq. Bu haqda 3 may tarixində Əmlak Məsələləri Dövlət Xidmətinə istinadən məlumat veririk.
Kəpəz rayonunun Zərifə Əliyeva küçəsi, 2-ci döngə, 10 saylı binada olan İkimərtəbəli istehsal sexi hərraca qoyulacaq. Əmlakın ilkin satış qiyməti 156 250 manatdır. Həmçinin Kəpəz rayonunun Kimyaçılar küçəsi, 1, 4-cü döngədə yerləşən, beton və məhlul istehsal edən sahə hərraca çıxarılır.
Hər iki müəssisə və obyekt AR İqtisadiyyat Nazirliyi yanında Əmlak Məsələləri Dövlət Xidməti, “Korporativ İdarəetmənin Təşkili və Koordinasiya Mərkəzi” publik hüquqi şəxsə məxsusdur. Əmlakın ilkin satış qiyməti 22 500 manatdır.
Proses 4 iyun tarixində saat 10:00-da Kəpəz rayonunun Zərifə Əliyeva küçəsi, 3-də keçiriləcək. Ətraflı məlumatı bu linkə daxil olaraq almaq mümkündür.
