Gəncədə yanğın hadisəsi olub. Bu haqda Gencexeber.az-a 28 may tarixində məlumat daxil olub.
Hadisə Müseyib Bağırov küçəsində qeydə alınıb. Burada ümumi sahəsi 92 kvadratmetr olan ikimərtəbəli obyekt alışıb. Nəticədə Hüseyn Şamil oğlu Hüseynova məxsus kafe bütünlüklə yanıb.
Əraziyə 5 yanğınsöndürən, 40-a yaxın canlı qüvvə cəlb olunub. Bildirilib ki, yanğın iki saata yaxın davam edib və səhər saatlarında söndürülüb.
Qeyd edək ki, yanğına səbəb ildırım vurması olub.
Faktla bağlı araşdırma aparılır.
