Gəncədə tarixi qəbirlərin mühafizəyə ehtiyacı var. Bu haqda 15 dekabr tarixində Kəpəz televiziyasına istinadən məlumat veririk.
Söhbət şəhərin mərkəzində yerləşən Səbiskar qəbiristanlığından gedir. Burada Xoyskilərin, Məhəmmədxanovların, Difai partiyasında aparıcı rol oynayan Yağnalıların məzarları var. Təəssüflər olsun ki, onların qəbirləri, türbələri yararsız haldadır.
Mədəni İrsin Qorunması, İnkişafı və Bərpası üzrə Dövlət Xidmətinin Gəncə Regional idarəsindən verilən məlumata görə, qəbiristanlıqda 17 türbə qeydiyyata alınıb. Hazırda burada 21 türbə və bəylərə, ziyalılara məxsus, tarixi özündə yaşadan qəbirlər var. Lakin bu tarix bir necə ildən sonra itə bilər.
