Gədəbəy rayonunda 66 yaşlı kişinin meyiti aşkarlanıb.
Gencexeber.az-ın məlumatına görə, hadisə rayonun İvanovka kəndi ərazisində qeydə alınıb.
Məlumata görə, kəndin yaxınlığında yerləşən fermada rus əsilli kənd sakini, 1960-cı il təvəllüdlü D.Aleksandroviçin meyiti tapılıb. İlkin baxış zamanı meyitin üzərində hər hansı zorakılıq əlaməti müəyyən edilməyib. İlkin ehtimallara əsasən, mərhum ürək tutmasından vəfat edib.
Meyit müayinə olunmaq üçün aidiyyəti üzrə təhvil verilib. Qeyd olunur ki, mərhum subay olub və kənd ərazisində çobanlıqla məşğul imiş.
Hadisə yerinə polis və prokurorluq əməkdaşları cəlb edilib. Faktla bağlı araşdırma aparılır.
