Gəncədə tələbələr arasında yarış baş tutub. Bu haqda 20 may tarixində ATU-ya istinadən məlumat veririk.
Region ali təhsil müəssisələrinin tələbələri arasında basketbol turniri Azərbaycan Texnologiya Universiteti, Basketbol Federasiyası, Gəncə-Daşkəsən Regional Gənclər və İdman İdarəsinin birgə təşkilatçılığı ilə keçirilib. Turnir Olimpiya İdman Kompleksində təşkil olunub.
Yarışın birinci dövrəsində ATU ilə Mingəçevir Dövlət Universitetinin (MDU) tələbələri, GDU ilə Azərbaycan Dövlət Aqrar Universitetinin (ADAU) komandaları qarşılaşıblar. Final mərhələsində ATU və GDU təmsilçiləri görüşüblər. Sonda ATU tələbələri yarışın birincisi olublar.
İkinci yerdə GDU, üçüncü yerdə ADAU, dördüncü yerdə isə MDU komandaları qərarlaşıb.
Sonda yarış iştirakçıları kubok və hədiyyələrlə təltif ediliblər.
