Gəncədə avtomobil sürücüləri və piyadalar üçün təhlükə yaradan yol problemi uzun müddətdir həllini tapmır.
Gencexeber.az-a müraciət edən sakinlərin sözlərinə görə, söhbət Nizami Gəncəvi prospektində, "Ramada Plaza" hoteli ilə üzbəüz yerləşən yerüstü piyada keçidinin qarşısından gedir. Bildirilir ki, asfalt örtüyü təxminən 2-3 kvadratmetr sahədə dağılıb və həmin hissədə dərin çuxur əmələ gəlib.
Sakinlər qeyd edirlər ki, problem artıq 6 aydan çoxdur mövcuddur. Çökəkliyin səki və keçidinin yaxınlığında yerləşməsi həm hərəkətdə olan avtomobillər, həm də yolu keçən vətəndaşlar üçün təhlükə yaradır.
Gəncəlilər aidiyyəti qurumlardan sözügedən ərazidə təmir işlərinin aparılmasını və təhlükə mənbəyinin qısa müddətdə aradan qaldırılmasını xahiş edirlər.
