Gəncə şəhərində olan "İmamzadə" dini ziyarətgahı ziyarət edilib. Bu haqda 17 iyun tarixində İcra Hakimiyyətinə istinadən xəbər veririk.
Ziyarətgahda və şəhərin bütün məscidlərində eyni vaxtda - saat 08:00-da namaz qılınıb. Yüzlərlə şəhər sakininin qatıldığı bayram namazında ulu öndər Heydər Əliyevin və şəhidlərimizin ruhuna dualar edilib, xalqımıza əmin-amanlıq və ruzi-bərəkət arzulanıb.
Bayram namazından sonra Dini Qurumlarla İş üzrə Dövlət Komitəsinin Gəncə bölgəsi üzrə şöbəsinin müdiri Həsən Məmmədov və Qafqaz Müsəlmanları İdarəsinin Qazılar Şurasının üzvü Hacı Tahir Abbasov şəhid ailələri ilə görüşərək, onları Qurban bayramı münasibətilə təbrik ediblər.
