Qazaxda qol güləşi üzrə iri yarış baş tutub.
Qazax-Tovuz Regional Gənclər və İdman İdarəsinin məlumatına əsasən, Qazax Olimpiya İdman Kompleksində Qol güləşi üzrə açıq Qazax rayon çempionatı keçirilib.
Turnirdə Qazax, Ağstafa və Gəncədən 60-dan çox idmançısı qələbə uğrunda mübarizə aparıb. Gərgin keçən yarışda 9 kateqoriya üzrə qaliblər müəyyənləşib. Qalib komandaların idmançıları diplom və medallarla təltif olunublar.
Qeyd edək ki, tədbir Qeyri-Hökumət Təşkilatlarına Dövlət Dəstəyi Agentliyinin dəstəyi, “Gənclərin Təşəbbüsü” maarifləndirici ictimai birliyinin təşkilatçılığı ilə keçirilib. Turnir gənclər və yeniyetmələr arasında sağlam həyat tərzinin təbliğinə yönəlmiş “Gənclər narkomaniyaya qarşı” layihəsinin bir hissəsi olub.
