Tovuz rayonunda Kirən kəndindəki dirəklər qəzalı vəziyyətdədir.
Gencxeber.az-a bu barədə şikayətçi sakinlər məlumat verib.
Bildirilib ki, kəndi elektriklə təmin edən dirəklər uzun illərdir quraşdırılıb və təmir edilməyib. Buna görə də dirəklər yavaş-yavaş sıradan çıxır, aşmaq üzrədirlər.
“Qarşıdan qış gəlir, qar yağacaq, elektrik xətlərindəki qəza halları birə beş artacaq. Kəndə elektrikin verilməsində fasilələr yaranacaq və ya ümumiyyətlə biz sakinlər günlərlə işıqsız qalacağıq. Bu dirəklərin yenilənməsinə ehtiyac var. “Azərişıq” ASC-dən xahiş edirik ki, hava soyumamış, qar yağmamış işıq xətlərindəki qəzalı vəziyyət aradan qaldırılsın”, - deyə şikayətçi sakinlər bildirib.
