Daşkəsəndə qaynanasını öldürən gəlinin cansız bədəni tapılıb.
Oxu.az-ın verdiyi məlumata əsasən, hadisə rayonun kəndlərindən birində baş verib. Bir müddət əvvəl qayınanasını baltalayaraq qaçan gəlinin ötən gün meyiti tapılıb.
Bildirilir ki, Səidə Həsənovanın cəsədi qayınanasını baltaladığı evdən təxminən 500 metr uzaqda, kolluq ərazidə aşkarlanıb. Onun üzərində zorakılıq əlamətləri olmadığı üçün intihar etdiyi ehtimal olunur.
Həsənovanın meyiti iki-üç gün əvvəl aşkar edilsə də, dünən dəfn edilib.
Xatırladaq ki, hadisə 27 iyul tarixində baş verib. Qayınanası Tahirə Qurbanovanı baltalayaraq hadisə yerindən qaçan gəlin qadının oğlu Nofəl Qurbanovun üçüncü arvadı idi.
Hadisəyə səbəb kimi Tahirə xanımın oğlunun evə həyat yoldaşı kimi gətirdiyi xanımı öz gəlini kimi qəbul etməməsi olub. Məlumata görə, qayınana və gəlin tez-tez mübahisələr ediblər.
Kənd sakinlərinin sözlərinə görə, gəlin kəndə bu il mayın sonlarında gəlmişdi.
