Azərbaycanın "Qarabağ" futbol klubu UEFA Çempionlar Liqasında növbəti oyununu keçirib.
Gencexeber.az xəbər verir ki, Qurban Qurbanovun yetirmələri pley-off mərhələsinin ilk görüşündə Xorvatiyada “Dinamo” (Zaqreb) klubunun qonağı olub. Matç “Maksimir” stadionunda baş tutub.
Qarşılaşmada ilk qolu 30-cu dəqiqədə xorvatiyalı yarımmüdafiəçi Marko Pyaça vurub. İlk hissə Balkan klubunun 1:0 hesablı üstünlüyü ilə başa çatıb.
İkinci hissənin 75 və 80-ci dəqiqələrində Sandro Kulenoviçin vurduğu iki qol "Qarabağ"ın bugünkü matçda məğlubiyyətini rəsmiləşdirdi.
Qarşılaşma 3:0 hesabı ilə bitib.
“Qarabağ” cavab oyununa avqustun 28-i Tofiq Bəhramov adına Respublika stadionunda, saat 20:45-də çıxacaq.
