Yeni tədris ilindən Qarabağ Universitetində oxuyacaq məzunların sayı açıqlanıb.
Ali təhsil müəssisələrinə ixtisas seçimi müsabiqəsinin nəticələrinə əsasən, Qarabağ Universitetinə 1103 tələbə qəbul olub.
Redaktor.az xəbər verir ki, mətbuat konfransında Dövlət İmtahan Mərkəzinin İdarə Heyətinin sədri Məleykə Abbaszadə sözügedən tələbələrin bölgələr üzrə faiz dərəcəsini səsləndirib. Onun sözlərinə görə, ümumi sayın 16,77 faizi Gəncə şəhəri, Daşkəsən, Şəmkir, Göygöl, Samux, Gədəbəy, Qazax, Ağstafa, Tovuz rayonlarının payına düşür. Bu da 185 nəfər tələbə deməkdir.
