Gəncədə qanunsuzluqla bağlı monitorinqlər aparılıb. Bu haqda 18 aprel tarixində Kəpəz televiziyasına istinadən məlumat veririk.
Şəhər Baş Polis İdarəsinin əməkdaşları antisanitar vəziyyət yaradan küçə ticarətinin qarşısının alınması məqsədilə şəhər ərazisində profilaktik tədbirlər keçiriblər. Nəticədə səkiləri zəbt edən və piyadaların hərəkətini çətinləşdirən, küçələrdə antisanitar vəziyyət yaradaraq pərakəndə ticarətlə məşğul olan satıcılar aşkarlanıblar.
Polis əməkdaşları həmin vətəndaşlarla söhbətlər apararaq yalnız müəyyən olunan yerlərdə ticarətlə məşğul olmalarını bildiriblər. Baş İdarə əməkdaşları tərəfindən qanunsuz küçə ticarəti ilə məşğul olan şəxslər barəsində İnzibati Xətalar Məcəlləsinin müvafiq maddəsi ilə protokol tərtib olunub.z
Həmçinin şəhər ərazisində fəaliyyət göstərən bir neçə avtoyuma məntəqəsində çirkab suların yola axıdılması nəticəsində antisanitar vəziyyətin hökm sürdüyü aşkarlanıb. Həmin obyekt sahibləri ilə profilaktiki söhbət aparılıb və barələrinə müvafiq tədbir görülüb.
