Azərbaycan Ordusunun hərbi hissələrinə sürücü axtarılır.
Gencexeber.az Müdafiə Nazirliyinə istinadən xəbər verir ki, vakant sürücü vəzifələrinə mülki işçilər qəbul ediləcək.
Lazımi sənədlər aşağıdakılardır:
- C, D, E kateqoriyalı sürücülük vəsiqəsi;
- Şəxsiyyət vəsiqəsi;
- Hərbi biletin surəti;
- Tərcümeyi-hal (əlyazma ilə 1 nüsxədə, çap edilmiş 2 nüsxədə);
- Rəngli fotoşəkil (2 ədəd 3x4 sm və 2 ədəd 4,5x6 sm ölçüdə);
- Qeydiyyatda olduğu poliklinikadan (dəri-zöhrəvi, vərəm, ruhi-əsəb, narkoloji xəstəliklər barədə) arayış.
Sənəd qəbulu namizədin yaşayış yerinə ən yaxın ərazidə yerləşən hərbi hissədə həyata keçirilir. Həmin şəxslər bazar və bayram günləri istisna olmaqla hər gün saat 09:00-dan 18:00-dək müraciət edə bilərlər.
